Philippines index

Nan Maphod An Ulgud Jesu Kristu




ya manu ay mi'id nun'abhiwana, ti numpapaddungdan amin an nun'abaholanda. Ya an amin di tagu, ya nun'abaholanda, at adi umday amaphodandah dumalat hi pangibilangan Apo Dios an nahamad di ugalida. Nan iRoma 3:23

Ya hay lagbun di nabaholan, ya hay ilahhinanan Apo Dios hi mid pogpogna; mu hay homo' Apo Dios, ya nan pi taguan tu'un hiyah mid pogpogna, an dumalat hi Jesu Kristun Apu tu'u. Nan iRoma 6:23

Ya hay nangipadutu'an Apo Dios ay ditu'uy nabaliwan tu'u, an dimmalat nan pangulug tu'u, ya bo'on hay aton tu'uh maphod di dumalat hi abliwan tu'u, ti unna idat, an adi mapalgan. Ya bo'on hay pinadah tu'uh ina'inat tu'uh maphod di nabaliwan tu'u, at bo'on hiyay iting'i tu'u. Nan iEpeso 2:8-9

Mu nan adagwi timma'dogan nan mun'amung hinan buwit an mumluwalu, ya agguyna inta'ta'wad ad abuniyan ti bumain; mu nun'ug'ugnay palagpagna, ta ipattignan ongol di puntutuyuana; ya inalinay, Apo Dios, hom'ona' ni', ti nabaholana'! Lukas 18:13

Hiyah ne aatna, ti nidugah di pamhod Apo Dios hinan tataguh tun luta, at hennagna han oh'ohhan imbaluynan dida, ta an amin di mangulug ay hiya, ya adida milahhin ay Apo Dios, at mi'tagudan hiya mid pogpogna. Ti hay nannagan Apo Dios hinan imbaluyna, ya bo'on hay pummoltaanah nan tataguh tun luta, ti hay dumalat ya ta baliwana dida. Juan 3:16-17

An amin nan numbino'ob'on an nitudul ay da'yu, ya hiyah ne gagangay nan mitudul hinan tatagu. Ya hay impulung Apo Dios hi abulutonah itudulanyu, ya nan abalinanyun mangedpol ya anggay; ya immannung an atonah nen impulungna, at hay itudulanyu, ya badangan da'yun Apo Dios, ta way atonyun mangedpol, ta way atonyun man'ug hinan itudulanyu. 1 iKulintu 10:13

Ti hay inila' ahan, ya mi'id olog di logom an mangipa'aliw hi pamhod Apo Dios ay ditu'u; ti ta''on un tu'u matoy, unu matagu tu'u, ya pepenhod ditu'u damdama; ya adi abalinan di anghel an mangipa'aliw hi pamhodnan ditu'u, ya mi'id goh di olog nan nappuhin lennawan mangipa'aliw, ya ta''on hi un numbino'ob'on di ma'at ay ditu'ud ugwan, unu nan ma'at hi awni, mu wagwada damdamay pamhodnan ditu'u; ya ta''on nan way abalinandad daya, unu ad dolom, unu nan malgom an nalmu, mu mid ologda damdaman mangipadinong hinan pamhod Apo Dios ay ditu'u; ya hay dumalat hi namhodanan ditu'u, ya hi Jesu Kristun Apu tu'u. Nan iRoma 8:38-39

Ti hay aatna, ya pinogpog Kristuy ahapulan nen Uldin, ta an amin di mangulug ay hiya, ya ibilang Apo Dios an nahamad di ugalida. Nan iRoma 10:4

Ti hay alyon Apo Dios, ya inalinay, Heden immannung an gutudna, ya donglo' da'yu, Ti hay gutud di abaliwanyu, ya badanga' da'yu. Hiyah te inalin Apo Dios, at donglonyu! At ad ugwan di nahamad hi gutudnah pamaliwan Apo Dios ay da'yu! 2 iKulintu 6:2

Ya wan dengngoldah ne, ya nahahlaang hi balada, ya ni'hapitdan Pedro, ya nan udumnan apostoles, ya inaliday, A'agi, goh nin di atonmi? Ya inalin Pedron diday, Hay mahapul, ya muntutuyu ayun amin hinan inatyun nappuhi, ta du'gonyud adiyu ipidpidwan aton; ya mabonyagan ayu, ya mangadan di ngadan Jesu Kristuh nan abonyaganyu; ya atonyu ay, ya ma'aliwan di baholyu, at adi ma'unung, ya midat goh ay da'yu nan ipa'daw Apo Dios an nan Na'abuniyanan an Lennawa. Hay Na'na'at 2:37-38

Ya hay mahapul, ya te'anyu nan pa'itunnun ugali, ti hukatan Apo Dios di ugaliyu, an hay ugalinay ihublina; ya hay panginnilaan, ya nan atonyuh nahamad, ya hay aatyun un'unnud. Nan iEpeso 4:24


Nan iRoma

ya manu ay mi'id nun'abhiwana, ti numpapaddungdan amin an nun'abaholanda. Ya an amin di tagu, ya nun'abaholanda, at adi umday amaphodandah dumalat hi pangibilangan Apo Dios an nahamad di ugalida. Nan iRoma 3:23

An hiyah ne goh din inalin nan impitudo' Apo Dios, ti inalinay, Mi'id ah ohah tagun na'ahhamad di ugalina. Nan iRoma 3:10

Ya hay lagbun di nabaholan, ya hay ilahhinanan Apo Dios hi mid pogpogna; mu hay homo' Apo Dios, ya nan pi taguan tu'un hiyah mid pogpogna, an dumalat hi Jesu Kristun Apu tu'u. Nan iRoma 6:23

Din nahhun an tagu, ya nabaholan, an hiyah ne bennoh an amin di tataguh tun luta. At henen bahol di dimmalat hi atayandan amin, ti nabaholanda. Nan iRoma 5:12

Hidin hopapna, ya mi'id pangulug tu'un Apo Dios, ya mi'id abalinan tu'un mangat hi maphod; mu unat goh nagtud di atayan Kristun inalin Apo Dios, at natoy, ta inyatoy ditu'un nabaholan. Nan iRoma 5:6

Mu inyatoy damdama ditu'un Kristuh din agguy na'aliwan di bahol tu'u at hiyah ne panginnilaan hi aat di pamhod Apo Dios ay ditu'un nidugah! Nan iRoma 5:8

Mu hay aat di na'abuniyanana, ya hiyay na'alih Imbaluy Apo Dios an pa'addo'ol di abalinana, ya hay panginnilaan, ya nan namahuanah din natayana. Nan iRoma 1:4

Ti hay inila tu'u, ya namahuan hi Kristuh nan natayana, at adina ipidpidwan matoy, ti nangabak hidin natayana. Nan iRoma 6:9

Ya gulat ta ulgudonyuy un makulug an hi Kristuy Apu tu'u, ya kulugonyu goh an minahuan Apo Dios hiyah natayana, at mabaliwan ayu. Nan iRoma 10:9

An hiyah ne goh din impitudo' Apo Dios, ti inalinay, An amin di mangalih, Apu, baliwana', ya diday mabaliwan. Nan iRoma 10:13

Ti hay inila' ahan, ya mi'id olog di logom an mangipa'aliw hi pamhod Apo Dios ay ditu'u; ti ta''on un tu'u matoy, unu matagu tu'u, ya pepenhod ditu'u damdama; ya adi abalinan di anghel an mangipa'aliw hi pamhodnan ditu'u, ya mi'id goh di olog nan nappuhin lennawan mangipa'aliw, ya ta''on hi un numbino'ob'on di ma'at ay ditu'ud ugwan, unu nan ma'at hi awni, mu wagwada damdamay pamhodnan ditu'u; ya ta''on nan way abalinandad daya, unu ad dolom, unu nan malgom an nalmu, mu mid ologda damdaman mangipadinong hinan pamhod Apo Dios ay ditu'u; ya hay dumalat hi namhodanan ditu'u, ya hi Jesu Kristun Apu tu'u. Nan iRoma 8:38-39


Amamin wad abuniyan

Amamin wad abuniyan: Pohdonmin hapihapiton di tataguy anahamad di ugalim, Ya pohdonmin mumpapto''a goh hitun luta; Ti nan pohdom, ya ma'at ad abuniyan, ya pohdonmin ma'at goh hitun luta. Idatmu ni' di mahapulmih tanudmid ugwan an algaw; Ya aliwam ni' di baholmi, Ti ten aliwanmi goh di bahol di mangat hi nappuhin da'mi; Ya adi ni' da'mi tapngan, ta baliwan da'mi, ta adi da'mi itudul hinan Diyablun Na''appuhi. Mateo 6:9-13


World Home Bible League, 1977


Thank you to Wolfgang Kuhl for supplying this information.


Philippines index