Philippines index

Ya Ehel Meknengan Ni Impatudek Tu




enden hekey hu kayyaggud ni tuud hinangga tu anin ai hakey tep emin tun ey neliwtan et ya mahapul da ey ya kehellakniban dad kekastiguan da tep ag tayu han-ingngeh hu kakinayyaggud Meknengan. Rome 3:23

Ya pambalinan ni kapanliwwasin tuu ey ketteyan tu et mekastigud nandaul tep humman bayad ni kapengapkapyain lawah ni kapanliwwasi. Nem ya pambalinan ni keilliblih Meknengan ni hemek niya baddang tun hi-gatsun tuu ey pekibi-biyagan ni ing-ingganah di kad-an tu hedin kullugen tayu hi Apu Jesus Christo. Rome 6:23

Nehelakniban itsun nengulugan tayu tep ya hemek niya baddang Meknengan. Beken itsun kamenellaknib ni annel tayu nem hi Meknengan. Ya tayu kakehellaknibi ey beken ni insigun di tayu kapehpehding ni kayyaggud nem insigun nan Meknengan. Et humman hu endi hakey ni tuun tu ippahhiyyan ya kayyaggud ni kaippahding hu nehellakniban tu. Ephesus 2:8-9

Nem ya etan tuun kamamputtut ni bewih, kamandasal dama nem beken di kad-an etan ni Pharisee. Tuka iyuyyuung tep kaumbaing et tuka pantel-uga pagew tu tep kamantuttuyyun liwat tu et kantuy 'Meknengan, hemek da-ak tep nanliwat tak ni hi-gam.' Lucas 18:13

Hi Meknengan ey nakappinhed deitsun tuud puyek et humman gaputun agtu kawwanan etan binugtung ni U-ungnga tu nem intu-dak tu ma-lat amin ida etan mengullug ni hi-gatu ey meidwatan idan neikadwan biyag ni endi pappeg tu et ag ida umlaw di nandaul. Ag itu-dak Meknengan U-ungnga tud puyek ni an manhuwet ni tuun mekastigu nem intu-dak tun an menellaknib ni tuu. Juan 3:16-17

Anin ni tenuttullunen dakeyun Satanas ni mengapkapyan lawah et antan kaheul yu tep emin tuu ey kapya tu humman. Nem kameiddinnel hi Meknengan ni memaddang ni hi-gatsu tep agtu i-abulut ni itsu metuttullun ni mengippahding ida etan ni ag tayu han-itpel ni lawah et tuka iddawat hu kabaelan tayu et ag itsu meewwis ni mengippahding ni lawah hedin kullugen tayu e deitsu kabaddangi. 1 Corinth 10:13

Neka-amtak e eteng hu impeminhed Meknengan ni hi-gatsu. Ey anin hedin mettey itsu winu eleg et nanengtun pinhed deitsu niya endi hakey ni an memahbah ni impeminhed Meknengan ni hi-gatsu. Anin yadda anghel winu yadda ap-apun lawah ni ag meang-ang niyadda etan daka iap-apui et endi hu kabaelan dan an memahbah ni impeminhed tun hi-gatsu. Anin hipa kamekapkapyan hi-gatsun nunya winu hakey alin aggew et mannananeng hu impeminhed tun hi-gatsu. Anin ida etan wada kabaelan tud nengin-ahpat winu di nandaul winu linggeman ni kinapyan Meknengan et endi hu kabaelan dan an memahbah ni impeminhed Meknengan ni hi-gatsun neikapet nan hi Jesus Christo e Apu tayu. Rome 8:38-39

Endi edum ni an nengipahding ni emin ni pinhed Meknengan di tugun tun hi-gatsu nem ebuh hi Jesus Christo et humman hu ya kapengibbillangin Meknengan ni kayyaggud ida etan neliwtan ey ya pengiddinnelan nan hi Jesus Christo beken ni ya pengu-unnudan etan ni tugun Meknengan ni imbalin Moses. Rome 10:4

Tep kan ni impatudek Meknengan ey "Yan eman ni nambag-an yun hi-gak ni baddang ey hinengud ku et baddangan dakeyu. Binaddangan dakeyu et helakniban dakeyu eman ni aggew ni gintud ku." Humman hu kantu. Et humman hu dengel yu tep e-helen kun hi-gayu e yan nunya hu penengngudan Meknengan ni ibbagan tuun hi-gatun baddang tu. Yan nunya hu gintud Meknengan ni dammutun kehellakniban ni tuu. 2 Corinth 6:2

Dingngel idan tuu humman ey maggeh ni peteg hu nemnem da et kandad Pedro ey "Itudu yu tep ew hedin hipa pehding mi." Kan Pedro ni hi-gaday "Pantuttuyyu kayun emin ni liwat yu et pebenyag kayun pengippeang-angan yun nengabulutan yun Jesus ni mengippaptek ni hi-gayu. Hedin me-kal hu liwat yu, man dewwaten yu hu Linnawan Meknengan ni iddawat tun hi-gayu   Ya impahpahding idan apostoles 2:37-38

Mahapul ni ya humman ni elaw ni dinwat yun Meknengan ni henin elaw tu hu ipenahding yu ma-lat peang-ang yu hu makulug niya neiptek ni kakinayyaggud. Ephesus 4:24


Rome

enden hekey hu kayyaggud ni tuud hinangga tu anin ai hakey tep emin tun ey neliwtan et ya mahapul da ey ya kehellakniban dad kekastiguan da tep ag tayu han-ingngeh hu kakinayyaggud Meknengan. Rome 3:23

Makulug huyya tep neitudek di ehel Meknengan e kantuy "Endin hekey hu ustuh ni kayyaggud ni tuu di hinanggan Meknengan." Rome 3:10

Ya pambalinan ni kapanliwwasin tuu ey ketteyan tu et mekastigud nandaul tep humman bayad ni kapengapkapyain lawah ni kapanliwwasi. Nem ya pambalinan ni keilliblih Meknengan ni hemek niya baddang tun hi-gatsun tuu ey pekibi-biyagan ni ing-ingganah di kad-an tu hedin kullugen tayu hi Apu Jesus Christo. Rome 6:23

Neipalpu eman ni nanliwatan Adam e tuun lapatu ey kamanliwwat law ni emin tuu. Humman ni tu nanliwtan hu himmulun ni emin law hu tuun hanat tu ey kamettey tep emin law hu tuu ey neliwtan gapu tep bineltan da hu kalwah Adam ni nanliwatan tu. Rome 5:12

Yan eman ni ag tayu pangulugan ey endin hekey kabaelan tayun mengippahding ni kayyaggud tep neliwtan itsu, nem immali hi Jesus eman ni gintud Meknengan ni ellian tu et iketey tu nemaddangan tun hi-gatsu. Rome 5:6

Nem hi Meknengan, inamta tu e lawah itsu tep neliwtan itsu nem impeang-ang tu impeminhed tun hi-gatsu tep intu-dak tu hi Jesus et iketey tu hu nenelakniban tun hi-gatsud liwat tayun emin ni tuu. Rome 5:8

Nem nan-amta e beken ni tuun ebuh nem wada dama kinaMeknengan tu tep impeang-ang tu eman ni sinagwan tun neteyyan tu. Neipeang-ang e U-ungngan Meknengan tep ya nenagwan Meknengan ni hi-gatu. Rome 1:4

Inamta tayu e hi Jesus ey netey nem netagwan et humman hu endi law mewan tu ketteyan tep impalebah tu. Rome 6:9

Et humman hu hedin iddinel yu hi Jesus et i-e-hel yu e hi-gatu law hu Apu yu niya kullugen yu e sinegun Meknengan eman ni neteyyan tu, man makulug ni mehellakniban kayud liwat yu. Rome 10:9

Makulug huyya tep wada impatudek Meknengan ni kantuy "Emin hu menghel ni kantuy 'Apu, helaknibi muwak' ey mehellakniban." Rome 10:13

Neka-amtak e eteng hu impeminhed Meknengan ni hi-gatsu. Ey anin hedin mettey itsu winu eleg et nanengtun pinhed deitsu niya endi hakey ni an memahbah ni impeminhed Meknengan ni hi-gatsu. Anin yadda anghel winu yadda ap-apun lawah ni ag meang-ang niyadda etan daka iap-apui et endi hu kabaelan dan an memahbah ni impeminhed tun hi-gatsu. Anin hipa kamekapkapyan hi-gatsun nunya winu hakey alin aggew et mannananeng hu impeminhed tun hi-gatsu. Anin ida etan wada kabaelan tud nengin-ahpat winu di nandaul winu linggeman ni kinapyan Meknengan et endi hu kabaelan dan an memahbah ni impeminhed Meknengan ni hi-gatsun neikapet nan hi Jesus Christo e Apu tayu. Rome 8:38-39


Ama Meknengan di kabunyan

Ama Meknengan di kabunyan, pinhed min medeyyaw ka ey pinhed mi daman man-ap-apu ka. Emin hu pinhed mun meippahding di puyek ni henin kamekapkapyad kabunyan ey pinhed min meippahding law. Baddangi dakemi di mahapul min kewa-wa-wa. Ekal mu hu liwat min hi-gam henin panliwwanan min nambahul ni hi-gami. Ipaptek dakemi ma-lat ag kami maewis ni manliwwat. Baddangi dakemi ma-lat ag kami maheul ni mengippahding ni lawah. Matthew 6:9-13


New York Internation Bible Society, 1980


Thank you to Wolfgang Kuhl for supplying this information.


Philippines index