Mexico index

Tuhun Ndyoo Sihin Tyehen i




Ta iyo cuatyi sii tandihi cuii iyivi. Sica xaan ndyaa tandihi yo nuu ra Ndyoo ta sihin cuhva cui ra. Romanos 3:23

Romanos 6:23

Vatyi sa cuenda tumai ii sa zavaha ra Ndyoo ta cacu yo sihin sa sino i ii yo sii ra. Ta sa zacacu ra Ndyoo sii yo, yivi minoo sa zavaha maa yo cuu si. Minoo sa saha maa ra Ndyoo sii yo cuu si. Ma cuu zavaha yo sa vaha ta ihi yo sii si coto caca ii yo vatyi vaha xaan maa yo. Efesios 2:8-9

Ta ndya zava, ii ndyaa ra tava xuhun cuenda ra ndyaca aha. Ta nu a nandyehe ndaa ra andivi. Ta cati ra yiqui ndyica ra vatyi ndu-uu ii ra cuatyi ra. Ta tyehen cahan ra sihin ra Ndyoo: "Zutu mai yuu, cundahvi iun sii, vatyi iyo xaan cuatyi." Tacuan i catyi ra. San Lucas 18:13

(Cahan ca ra Jess, ta catyi ra:) Cui xaan ra Ndyoo sii iyivi, ta i saha ra sii sa minoo tuhun i zehe ra vatyi tandihi iyivi, u sino ii sii ra, ma cunaa u. Cua cundito u tandihi tyiemvu sihin ra. zaquisi ra Ndyoo sii zehe ra uu iyivi ya sa cuenda sa cua tasi tui ra sii iyivi. I zaquisi ra sii ra vatyi cua zandasi ra cuatyi iyivi ta cua zacacu ra sii u. San Juan 3:16-17

Tandihi cuii cuatyi sa cuun zavohon ta iyo tucu inga iyivi cui zavaha cuhva cuan. Zoco cuu cunii ii yo sii ra Ndyoo vatyi ma cuhva maa ra sa cui xaan con zavohon sa a vaha. Cua zaaha ra minoo ityi suun, ta cua cuu conon sii sa cui zativi suun. Ta cua cundyee iun ta ma zavohon sii si. 1 Corintios 10:13

Sito vehi vatyi ahi maa sa cuu tyaa siyo sii yo sihin cuhva cui xaan maa ra Ndyoo sii yo. Ta zaaha ra sii yo vatyi cui xaan ra sii yo sihin cuhva i sicoo ra Cristo ta cuhva i zavaha ra. Vazu ndito ca yo a vazu sa sihi yo zoco cua cui ca ra Ndyoo sii yo. A vazu ngel a tatyi cuihna cui tyaa siyo sii yo, zoco ma cuu. A aa sa tahan yo vityi a sa cua ndyehe yo ityi nuu ca a sa iyo ityi ziqui a nu uhu. A aa cuii ca maa sa iyo, zoco ma cuu tyaa siyo si sii yo sihin cuhva cui xaan maa ra Ndyoo sii yo sa cuenda ra Cristo Jess, ra ndyaca aha sii yo. Romanos 8:38-39

Ta sa naha cui u nduvaha u ityi nuu ra Ndyoo sihin sa tyaa u yahvi tuhun i saha ra sii ra Moiss. Zoco vityi sa i quisi ra Cristo ta zandihi ra cuhva cuan. Vityi sa sino i ii yo sii ra ta nduvaha yo ityi nuu maa ra Ndyoo ta natiin cuenda ra sii yo. Romanos 10:4

Vatyi tyehen catyi ra Ndyoo nuu tutu ra: "Sii sa cahan ndo quivi i zacaqui sii iyivi, ta i tyindyei sii ndo", catyi ra. Ta vityi cuu tyiemvu vaha, tyiemvu zacacu ra Ndyoo sii iyivi. 2 Corintios 6:2

Ta sa sii iyivi sa cahan ra Pedro ta i sica xaan ii u, ta i catyi u sihin ra Pedro ta sihin tandihi inga ra apstol: Amigo, aa sa cui si zavaha ndi? Catyi u. Ta i catyi ra Pedro sihin u: Tahan tahan ndo ndu-uu ii ndo cuatyi ndo ta coo ndutya ndo cuenda ra Jesucristo, ta cua zandasi ra Ndyoo cuatyi ndo. Ta cua cuhva ra Ndyoo sa noo Tatyi Ii sii ndo vatyi yucuan cuu sa cua cuhva ra Ndyoo sii ndo. Hechos 2:37-38

Ta cuu ndo iyivi saa, vatyi tacuan i zanduvaha ra Ndyoo sii yo sa cuu yo iyivi ndoo xaan ta vaha xaan sa ndisa cuii. Efesios 4:24


Romanos

Ta iyo cuatyi sii tandihi cuii iyivi. Sica xaan ndyaa tandihi yo nuu ra Ndyoo ta sihin cuhva cui ra. Romanos 3:23

Tai catyi Tuhun ra Ndyoo: Yoi minoo iyivi vaha sa ndisa cuii, numinoo. Romanos 3:10

Tatu zavaha yo sa a vaha, sa cua ihi yo sihin cuhva cuan cuu sa cua cuu cuii yo. Zoco tatu tiin cuenda yo sa vaha xaan sa saha maa ra Ndyoo sii yo, cua cundito yo tandihi cuii tyiemvu sihin ra Jesucristo, ra ndyaca aha sii yo. Romanos 6:23

Sa cuenda minoo ra ta i quihvi cuatyi uu iyivi. Ta cuenda cuatyi i zavaha iyivi ta i quisaha cuhva sa sihi tandihi u vatyi iyo cuatyi sii tandihi yo. Romanos 5:12

cuu zacacu yo sii yo, zoco sa tahan si quivi sa i catyi ra Ndyoo ta ziqui i quisi ra Cristo. Ta i sihi ra sa cuenda yivi a vaha tai maa yo. Romanos 5:6

Ta maa ra Ndyoo zaaha ra vatyi cui xaan ra sii yo vatyi vazu iyivi iyo xaan cuatyi cuu maa yo, zoco i sihi ra Cristo sa cuenda yo. Romanos 5:8

Ta i sihi ra Jess, ta i zanandoto ra Ndyoo sii ra. Ta cuhva cuan i zavaha ra Ndyoo minoo sa cahnu xaan, ta i zaaha ra vatyi zehe ra cuu sii ra Jess. Ta ii xaan cuu ra Jess, ra ndyaca aha sii yo, tai ii maa ra Ndyoo. Romanos 1:4

Vatyi sito yo vatyi i nandoto ra Cristo sisi sa i sihi ra, ta ma cuu ca ra. Ma cundyaca aha ca tuhun sihi sii maa ra. Romanos 6:9

Ta tatu catyun sihin iyivi vatyi ra Jess cuu ra ndyaca aha suun ta sino ndisa iun sihin aimon vatyi i zanandoto ra Ndyoo sii ra sisi sa i sihi ra, cua cacun. Romanos 10:9

Tai catyi Tuhun ra Ndyoo vatyi tandihi iyivi sa cua caca sii ra Jess, ra ndyaca aha sii yo, cua cacu u. Romanos 10:13

Sito vehi vatyi ahi maa sa cuu tyaa siyo sii yo sihin cuhva cui xaan maa ra Ndyoo sii yo. Ta zaaha ra sii yo vatyi cui xaan ra sii yo sihin cuhva i sicoo ra Cristo ta cuhva i zavaha ra. Vazu ndito ca yo a vazu sa sihi yo zoco cua cui ca ra Ndyoo sii yo. A vazu ngel a tatyi cuihna cui tyaa siyo sii yo, zoco ma cuu. A aa sa tahan yo vityi a sa cua ndyehe yo ityi nuu ca a sa iyo ityi ziqui a nu uhu. A aa cuii ca maa sa iyo, zoco ma cuu tyaa siyo si sii yo sihin cuhva cui xaan maa ra Ndyoo sii yo sa cuenda ra Cristo Jess, ra ndyaca aha sii yo. Romanos 8:38-39


Ndyoo Zutu ndi

Ndyoo Zutu ndi, ra ndyaa andivi, ii xaan cuu zivi moo. Nasaa quivi cua cundyaca ohon ihya uu iyivi. Nazavaha iyivi cuhva cui ihya uu iyivi tai cuu si ndya gloria. Cuhvon sa sii sii ndi minoo minoo quivi. Ta zohon tucahnu ii sii ndi sa cuenda cuatyi ndi tai maa ndi zaha ndi tucahnu ii sii iyivi zavaha sa a vaha sihin ndi. Ma cuhvon sa nducu coto ihi cuihna sii ndi coto zavaha ndi sa a vaha. Vatyi moo cuu ra ndyaca aha, ta moo cuu ra iyo xaan tundyee ii sii, ta tahan si zacahnu tandihi iyivi suun tandihi cuii tyiemvu. Ta nacuu si sa ndisa. San Mateo 6:9-13


i Publicado por Biblioteca Mexicana del Hogar, 1979

Gnesis 1-3


Mexico index