Mexico Index

Yach'il Testamento





Jpisiltic ay jmultic Pajal ma' ba quich'beyejtic yutsil te Diose. Romanos 3:23

Como te mulile, ya yac'otic ta lajel stuquel. Yan te Diose, jmahtantic ya ya'botic jcuxlejaltic sbahtel q'uinal ta scuenta te Cajwaltic Cristo Jesuse. Romanos 6:23

Como ta scuenta nax yutsil yo'tan awu'unic te Dios te colemexixe, te bin ut'il ach'uhunejiquix te Cristohe. Pero ma' yu'unuc ha'ex laj awehtes te acolelique, ha' laj ya'beyex ta mahtanil stuquel te Diose. Como ma' ta scuentahuc awa'telic weht te acolelique, ha' yu'un ma' me ayuc mach'a yax hu' ya stoy sba yu'un hiche. Efesios 2:8-9

Yan te jc'anpatane, q'uejel teq'uel c'ohel. Ma' ba la sc'an la stoy mohel sit ta ch'ulchan stuquel. La spac'ulan stahn. Hich laj yal: Dios, c'uxultayawon te bin ut'il ho'on te jmulawilone, xchi ta sc'oponel Dios stuquel. San Lucas 18:13

Como lom bayel c'ux ta yo'tan Dios spisil mach'atic ayic ta bahlumilal. Ha' yu'un laj yac' tal te hip jtuhl Snich'ane, scuenta yu'un spisil te mach'atic ya sch'uhunique ma' ba yax ch'ayic. Ya me xcuxajic sbahtel q'uinal yu'un. Como te Diose ma' ha'uc la sticon tal Snich'an ta bahlumilal yu'un te ya ya'bey castigo yu'un smulic te mach'atic ayic ta bahlumilale. Pues ha' la sticon tal Snich'an yu'un te ya swehtesbey scolel te mach'atic jayeb ayic ta bahlumilale. San Juan 3:16-17

Stalel q'uinal te ay sujel ta mulil ta bahlumilale. Pero yaloj te Diose te ma' xyaq'uex ta tsalel yu'un te mulile. Ha' yu'un teme laj atahic tulan sujel ta mulil te ma' xhu' awu'unic stsalele, ha' me ya scoltayex stuquel. 1 Corintios 10:13

Ha' yu'un spisil co'tan jch'uhunej te ma'yuc bin yax hu' ya spitotic loq'uel ta sc'ab te Diose. Ni ha'uc te c'alal yax chamotique, ni ha'uc te jayeb c'ahc'al cuxulotique, ni ha'uc te ch'ul abatetique, ni ha'uc te mach'atic tulan ya'tel yu'unique, ni ha'uc te yantic mach'atic ay yu'elique, ni ha'uc te bin yac ta c'ohel ta jcuentatic ta ora ini, ni ha'uc te bintic jayeb yax c'oht ta jcuentatic ta patile. Ni ha'uc te bin ahc'ol aye, ni ha'uc te bin ahlan aye, ni ma'yuc binti c'an hu'uc yu'un spitbelotic loq'uel ta sc'ab te Diose, como bayel c'uxotic ta yo'tan ta scuenta te Cajwaltic Cristo Jesuse. Romanos 8:38-39

Como ha' la slajimbey sc'oblal ta ch'uhunel mandariletic te Cristohe, te ha' xanix ya spasbey ta toj yo'tan spisil mach'atic yax ch'uhunot yu'un stuquele. Romanos 10:4

Como hich ts'ihbabil ta Shun te Diose: La stahix yorahil te ya quich'batix ta cuenta te ac'ope, La stahix yorahil te colele, hich la jc'uxultayatix, te xchihe. Pues ha'ix te yorahil c'uxultayel ini, soc c'ohtix yorahil te colele. 2 Corintios 6:2

C'alal laj ya'iybeyic sc'op te Pedrohe, bayel la smel yo'tanic yu'un. La sjoc'obeyic te Pedrohe soc te yantic jpuc-c'opetique: --Quermanotic, ¿bin ya sc'an ya cutix jbahcotic ehuc a hiche? xchihic yu'un. Halbotic yu'un te Pedrohe: --Suhtesa awo'tanic yu'un amulic, ac'a abahic ta a'beyel awich'ic ha' ta tuhlutuhl ta scuenta te Jesucristohe, hich ya spasbeyex perdon yu'un a te amulique. Amahtanic me yac awich'ic te Ch'ul Espirituhe. Hechos 2:37-38

Ha' me xawich'ic te ach' cuxlejal ya ya'beyex te Diose, te ha' yax tojob awo'tanic yu'une soc te ha' yax lecub awo'tanic ta melel yu'un stuquele. Efesios 4:24


Romanos

Jpisiltic ay jmultic Pajal ma' ba quich'beyejtic yutsil te Diose. Romanos 3:23

Como hich ts'ihbabil ta Shun te Diose: Ma'yuc mach'a toj yo'tan ta winiquil, ma'yuc ni jtuhluc. Romanos 3:10

Como te mulile, ya yac'otic ta lajel stuquel. Yan te Diose, jmahtantic ya ya'botic jcuxlejaltic sbahtel q'uinal ta scuenta te Cajwaltic Cristo Jesuse. Romanos 6:23

Como ta scuenta nax jtuhl winic te och mulil ta bahlumilale, soc ha' nix ta scuenta mulil te hahch te lajele. Hich ayic ta scuenta lajel c'oht spisil cristianohetic, ta scaj te bin ut'il spisil slehoj smulique.Romanos 5:12

Pues te c'alal bin ora ma'yuc quiptic ahe, la sta yorahil te cham Cristo yu'un spisil jmulawiletic. Romanos 5:6

Pero Dios laj yaq'uix ta ilel te bayel c'uxotic ta yo'tane, como cham Cristo cu'untic te c'alal ayotic to ta mulil ahe. Romanos 5:8

Pero ta scuenta yu'el te Diose ac'ot ta ilel te ha' Snich'an te Diose, como cha'cuxaj te c'alal laje, ta scuenta bin ut'il a'tej te Espiritu ta stojole. Romanos 1:4

Jna'ojtic te cha'cuxajemix te Cristohe, te ma' jaymehl yax cham xane, soc te ma'yuc bin ora yax u'untayot xan yu'un te lajele. Romanos 6:9

Ha' teme jamal yac awal ta awe te ha' yac awajwalin te Jesuse, soc teme spisil awo'tan yac ach'uhun te cha'cuxajtesot tal yu'un te Diose, hich yax colat. Romanos 10:9

Como spisil te mach'atic ya yalbeyic wocol te Cajwaltique, hich yax colic. Romanos 10:13

Ha' yu'un spisil co'tan jch'uhunej te ma'yuc bin yax hu' ya spitotic loq'uel ta sc'ab te Diose. Ni ha'uc te c'alal yax chamotique, ni ha'uc te jayeb c'ahc'al cuxulotique, ni ha'uc te ch'ul abatetique, ni ha'uc te mach'atic tulan ya'tel yu'unique, ni ha'uc te yantic mach'atic ay yu'elique, ni ha'uc te bin yac ta c'ohel ta jcuentatic ta ora ini, ni ha'uc te bintic jayeb yax c'oht ta jcuentatic ta patile. Ni ha'uc te bin ahc'ol aye, ni ha'uc te bin ahlan aye, ni ma'yuc binti c'an hu'uc yu'un spitbelotic loq'uel ta sc'ab te Diose, como bayel c'uxotic ta yo'tan ta scuenta te Cajwaltic Cristo Jesuse. Romanos 8:38-39


Jtatic Dios

Jtatic Dios, te ayat ta ch'ulchane, ac'a ich'equix ta muc' ach'ulbihil. Ac'a c'ohtuquix yorahil te yax ch'uhunot amandare. Ac'a me yich' pasel li' ta bahlumilal te bin ya sc'an awo'tane, ha'uc ni me hich te bin ut'il yac ta pasel ta ch'ulchan te bin ya sc'an awo'tane. A'botcotic me jwe'elcotic scuenta jujun c'ahc'al. Pasbotcotic me perdon yu'un jmulcotic. Ha'uc ni me hich ya jpasbeycotic perdon ehuc te mach'atic ay smul ta jtojolcotique. Teme laj jtahcotic sujel ta mulile, coltayawotcotic te manchuc yax yahlotcotic ta mulile. Como atuquel nax ay ta ch'uhunel amandar, ay awu'el, ayat ta ich'el ta muc' sbahtel qu'inal. Hichuc. San Mateo 6:9-13


Gálatas

Publicado por Sociedad Bíblica de México, 1960

Génesis 1-3


Mexico index