Mexico index

El Nuevo Testamento




Com nidüg'óciy naaxhuiñyjäy ti ytuundigooygixy. Ni tüg jäy yhuädz'ajtin ycanaybadyii miid Dios yhuädz'ajtin y'oy'ajtin. Romanos 3:23

Yi pocytunii ycoju'ñ yi je' yi o'cin. Per je huidibi Dios xyñimooyim, hue' je' je jugy'ajtin huidibi ni caminaxii ycixipy ytigoyipy co n'ijtim miid ajt nHuindzin Jesucristo. Romanos 6:23

Miid co Dios miich ajcxy ti xychojccixy ti xyjihuiiygixy, paady ycixp yi m'alma ajcxy ti patcixy nïdzoocin co ti mmibijccixy Jesucristo. Ca' nminaanim co tijaty ti mdungixy, paady ycixp yi m'alma ajcxy ti patcixy nïdzoocin. Hue' janchtiy Dios ti xymooygixy ninigoob ajcxy m'alma ñïdzoocin. Ca' nminaanim huin'it jäy ajcxy y'alma nïzoocin paadip co oybi tungixy. Hue' janchtiy Dios jadu'n ci'm ti yaj'oyïy ninigoob nej jäy ajcxy jëbi patcixy y'alma ñïdzoocin, jigix ca' pin jëbi huaad amij agix ñayjihuïyii. Efesios 2:8-9

Per je yajcogüejtpi jiguem ytinay'ahuiiy, ni ycapät'ixy tzajpcijx, jëyi ycaachtzachcoxy ymina'ñ: "Dios Teedy, pa'ayoogich, iich pocyjäyich." San Lucas 18:13

Ooy mijcajee Dios tzocy jihuïy yi naaxhuiñyjäy co yecy y'ung tügpajcpi miid jäy ajcxy ypocy ycixpi. Paady pinjaty mibijcp mijpidacp yi' y'ung, ca' yjugy'ajtin ycixipy ytigoyipy tücci'yi. Hue' janchtiy y'alma ypaadipy tüg jugy'ajtin huidibi ca' ni mina ycixipy ytigoyipy. Dios ca' quejxy y'ung ya naaxhuñ co tzaachytunipy yi naaxhuiñyjäy ajcxy miid ypocy ycixpi. Paady y'ung quejxy co yajpocyñïhuáatzcixipy. San Juan 3:16-17

Tüg'óciy tzaachypi ayo'n, jot'ijxin huinma'ñ'ijxin huidibi miich ajcxy mminajxyp myajnajxyp, nañ jadu'n jacjadyii mibijcpidijc ajcxy minajxcixy yajnajxcixy. Per yajmij'ajtcix jot'amij'ajtcix Dios, com Dios ca' a'ixïhuip co mjacminájxcixipy mjacyajnájxcixipy tzaachypi ayo'n anaxy huidibi ca' ajcxy mmimadäga'ñ. Co anajty tzaachypi ayo'n mminajxcixy myajnajxcixy mictägy, huin'it Dios xymöhuipy ajcxy huinma'ñ jadu'n nej jëbi mminaxtaygixy myajnaxtaygixy yi tzaachypi ayo'n. 1 Corintios 10:13

Janch nejhuiiybich tiydudägy co Dios xychojcim xyjihuiiyim. Ca' ji ni pin jëbi huaad xypijc-huäcxim ma Dios chójcin, oy ixyipy nja'o'cim; oy ixyipy njajugy-'ajtim; oy ixyipy xymidzip'ajtim ángel ajcxy etz jacjadyii huidibi mic'ajt miid jiiby tzajpjoty. Ca' ajcxy jëbi huaad xypijc-huäcxim ma Dios, ni ti huidibi ji ijtp cham, ni je huidibi mimb cidacp, ni yi' jëbi xycapijc-huäcxim ma Dios chojcin. Ajt nHuindzin Jesucristo ti xyajnejhuiiyim jadu'n nej Dios xchojcim xyjihuiiyim co y'o'cy ma yi cruudz miid ajt nbocy ycixpi. Romanos 8:38-39

Yi judíojäy ajcxy ca' huinjihuiiygixy co je Cristo y'oy ya naaxhuiñ, e chi yajtigooyi Dios ycötujcin ymic'ajt huidibi Moisés yjay, jigix jëbi tüg'óciy jäy pinjaty mijpidacp Cristo ytiy'ajt, huin'it ajcxy paadip tudägy'ajtin. Moisés yjayhui'm ma jadu'n ymina'ñ: "Je pinjaty cuydumb je Dios ytiy'ajt, jim mic'ajt paadipy miid chinaayin ycixpi." Romanos 10:4-5

Com jadu'n jaybety y'ity ma Dios ñecy ma Dios jadu'n ymina'ñ: Co je xii tiempo ti patni, ti iich miich m'ayuc midoohui. Ti nbubety nbudigïyich je huin'it xii je huin'it tiempo co ti yhuaad'aty mina jäy ajcxy y'alma ñïdzögipy. Jadachambi xii tiempo ti yhuaad'ajtni mina jëbi Dios xyñïdzoocim ajt n'alma. 2 Corintios 6:2

Co je mayjäy ajcxy jadu'n midoy, chi ajcxy yjotyungiiy, e amidoy ajcxy je Pedro etz jacjadyii jäy huidi Jesús y'ayuc capxhuäcxi anajty, chi ajcxy yminañ: --Migügtijc, ¿ti iich ajcxy jëbi huaad nduñ? Huin'it Pedro y'adzooy: --Jothuimbijtcix e niibejtcix nidüg nidüg miid Jesucristo yxii, jigix Dios miich ajcxy mbocy xyhuinmeecxipy. E jadu'n Dios xymöhuipy je Espíritu Santo. Hechos 2:37-38

Miid'ajtcix jemybi jot jemybi huinma'ñ com Dios ti yajtigajch huinjemy ajcxy mjot mhuinma'ñ miid tudägy'ajtin etz huädz'ajtin. Efesios 4:24


Romanos

Com nidüg'óciy naaxhuiñyjäy ti ytuundigooygixy. Ni tüg jäy yhuädz'ajtin ycanaybadyii miid Dios yhuädz'ajtin y'oy'ajtin. Romanos 3:23

Com jadu'n jaybety miiñ ma Dios ñecy ma jadu'n ymina'ñ: Ca' ji ni tüg jäy tudäcpy, ni tüg. Romanos 3:10

Yi pocytunii ycoju'ñ yi je' yi o'cin. Per je huidibi Dios xyñimooyim, hue' je' je jugy'ajtin huidibi ni caminaxii ycixipy ytigoyipy co n'ijtim miid ajt nHuindzin Jesucristo. Romanos 6:23

Miid jada ycixpi co yi pocytunii chondacy jecy'ajty ya naaxhuiñ miid tügpi jäy. E co jäy ytundigoy o'gan miid Dios, paady ycixpi je o'cin ytigiiy ya naaxhuiñ. Miid co tüg'óciy jäy midundigooygixy Dios, paady tüg'óciy jäy patcixy yi o'cin. Romanos 5:12

Jecy'ajty co anajty ca'ni Jesucristo ymiñ, je naaxhuñyjäy ca' anajty mic'ajt miidity nej ci'm y'ahuimbíjtcixipy tudägy. Co yhuaad'ajtni je xii je tiempo huidibi Dios ti yaj'ixtägy, huin'it Cristo y'o'cy miid iich ajt nbocy ycixpi miid co ndigooyim miid Dios ytiy'ajt. Romanos 5:6

Per Dios yajniquëxïcyp jadu'n nej xychojcim xyjihuiiyim mijcajee co quejxy Cristo huen o'cy miid ajt nbocy ycixpi, oy anajty iich ajt ooy njacpocytuunim. Romanos 5:8

Per Jesucristo ti paady ma Dios yi' yjihui'ñ ymic'ajt. Co Dios yajjugypijcy y'ung ma anaajty ti y'ögy miid yjihui'ñ ymic'ajt, chi ti yajnejhuïy anajty je naaxhuiñyjäy co Jesucristo hue' je' Dios y'ung, huidibi miid huädz yjot huädz yhuinma'ñ, etz nañ ymiid Dios yjihui'ñ ymic'ajt. Romanos 1:4

Nejhuiiyim co Cristo ti yjugypijcy co y'o'cy, e ca' yi' y'öga'ñ jadüg'oc. Yi o'cin ca' ti mic'ajt jacmiidity ma Jesucristo. Romanos 6:9

Pen miich mgapxypidzimyb mayjäy agujc co miich ajcxy Jesús mHuindzin'adyii, etz mmibijcpy ajcxy ma mjot mhuinma'ñ co Dios ti yajjugypijcy Jesús co y'o'cy, huin'it m'alma paadip ñïdzoocin ma Dios. Romanos 10:9

Com jadu'n jaybety ymiiñ ma Dios ñecy, ma jadu'n ymina'ñ": "Nidüg'óciy jäy pinjaty Dios mibijctzoob miid Huindzin Jesucristo yxii, yi ajcxy y'alma paadip ñïdzoocin." Romanos 10:13

Janch nejhuiiybich tiydudägy co Dios xychojcim xyjihuiiyim. Ca' ji ni pin jëbi huaad xypijc-huäcxim ma Dios chójcin, oy ixyipy nja'o'cim; oy ixyipy njajugy-'ajtim; oy ixyipy xymidzip'ajtim ángel ajcxy etz jacjadyii huidibi mic'ajt miid jiiby tzajpjoty. Ca' ajcxy jëbi huaad xypijc-huäcxim ma Dios, ni ti huidibi ji ijtp cham, ni je huidibi mimb cidacp, ni yi' jëbi xycapijc-huäcxim ma Dios chojcin. Ajt nHuindzin Jesucristo ti xyajnejhuiiyim jadu'n nej Dios xchojcim xyjihuiiyim co y'o'cy ma yi cruudz miid ajt nbocy ycixpi. Romanos 8:38-39


Dios Teedy

Dios Teedy, miich huidibi tzajpjoty tzinaayb; huindzigïy miich mxii y'ity. Huen miñ ya miich yi m'ane'min. Huen mdzojcin yajcuyduñ ma je jäy yjot yhuinma'ñ jadu'n nej yajcuyduñ jiiby tzajpjoty. Mooygich ajcxy ngaayin n'uucin jabom jabom. Méecxibich ajcxy nbocy ngaydey huidibi iich ajcxy ndundigooyb, jadu'n nej iich ajcxy meecxyich huidibi ajcxy xymidundigooybich. Ca' m'a'ixïy co iich ajcxy nhuinma'ñ tigoyipich. Yajnïhuaatzcich ajcxy ma yi jibicpi. Co miich yi' mje' je cötujcin, je mic'ajtin etz je oy'ajtin huinixii huinitiempo. Amén. San Mateo 6:9-13


Jesús yma'xun'ajty

Huin'it xii Augusto César pidacy y'ané'min huen tüg'óciy jäy nicxy necypejttaaygixy.
Je jayijp'atypi padrón hue' je' yaj'oyiiy Cirenio huidibi anajty gobernador'ajtp jim Siria ñaaxjot.
Chi jäy ajcxy nidüg'óciy ñicxtay yajcojayiiybi nidüg nidüg ma yci'mgajp.
Chi José chooñ jim Galilea naaxjot ma je cajp huidi yxii Nazaret, ñicxy ajcxy jim Judea naaxjot ma je David ycajp, huidi yxii Belén. Yi José ñicxy jim Belén com ymij'ap'ajtpy ymijteedy'ajtpy je David.
Chi José yajcojayiiy padrónjoty miid María, je töxyjäy huidibi anajty ymiid capxytuñ, huidi anajty ung tzim'ijtp.
Chi jadu'n yjajty co ajcxy anajty yjímity Belén, chi oyhuaad'aty co María paadipy y'ung.
Chi yma'xung'ajty je unggoob, e chi nïbe'ñ nïmüxy miid ymotz, e chi agögiiy ma iyujc pëcxi'ñ, co ca' anajty ti paady jättac.
Chi mihuingon je cajp anajty jäy ycöbixycuend'aty. Hue' anajty ajcxy yhuin'iñaayb huntzuumnajxyp je' ycöbixy ajcxy.
Chi Huindzin Dios tüg y'ángel ñigidaaci je' ajcxy, e yi Huindzin Dios y'oy'ájtin y'adicxcoody jühuidity ma je' anajty ajcxy ymijc, chi ajcxy ooy chigiiy.
Huin'it je ángel yminañ:
--Ca' mdzigiigixy, cham iich miich nyajnimaaygixy oybi ayuc huidibi yajjotcugïhuipy tüg'óciy naax cajp.
Miid miich ajcxy ycixpi ti ypi'c'aty cham ma je David ycajp tüg jäy huidibi miich ajcxy xyñihuänaam xycohuänaam ma ajcxy mmidzip. Hue' je' je CRISTO, je Huindzin Dios.
Yi' je' ijxpéjtip huidi miid m'ijxcabipy. Mbáadipy ajcxy je ung ma'xung ñïmóchity miid ymotz, ycöcnäy ma iyujc pëcxi'ñ.
Chi janch mic'amy ñayguëxïci miid je ángel may yi tzajpjotychinaaybi, chach Dios ojadájtcixy ymináangixy:
¡Ooy ycömáyity ooy ymíjity yi Dios tzajpjotypi, ji naaxhuiñ jotcujc'ajt miid jäy ajcxy ycixpi huidibi Dios yjäygidacpy!
Jadu'n yjajty co je ángel ajcxy ñicxtay tzajpjoty, chi je cöbixy cuend'ajtpi ajcxy ñayñimayï
--Tzoc jámim jim Belén, jaydëbi n'íjxim ti ti ytunyii ti yjadyii huidibi nHuindzin'ájtim Dios ti xyajnimáayim.
Chi ajcxy ñicxy jottigoy, chi oy pátcixy María, José etz je ung ma'xung y'agögïyity ma je iyujc pëcxi'ñ.
Co ajcxy ijxy je María etz je ung ma'xung, huin'it ajcxy nigapxtay nimiydactay jadu'n nej je ángel ajcxy ñimayi miid je pi'c'anäg ycixpi.
Tüg'óciy jäy huidi midou ooy jihuiy huinmay jadu'n nej je cöbixycuend'ajtpi ajcxy yminañ.
Chi María mido'mbijctay, e yajhui'my ma yjot yhuinma'ñ.
Chi yhuimbijty je cöbixycuend'ajtpi ajcxy cömay jäymech ajcxy yi Dios, etz ooy alabanza ajcxy iiy miid Dios ycixpi miid tüg'óciy jadu'n nej anajty ti íjxcixy ti midóogixy, etz jadu'n nej anajty ti ñimáayigixy.



JADU'N NEJ JE NAAXHUIIÑBU CHOONDAYC 1-3 Publicado por la Biblioteca Mexicana del Hogar, 1976



Mexico index