Tuhun Ndyoo Sihin Tyehen Ñi

Ta iyo cuatyi sii tandihi cuii ñiyivi. Sica xaan ndyaa tandihi yo nuu ra Ndyoo ta sihin cuhva cuñi ra. Romanos 3:23

Romanos 6:23

Vatyi sa cuenda tumañi iñi sa zavaha ra Ndyoo ta cacu yo sihin sa sino ñi iñi yo sii ra. Ta sa zacacu ra Ndyoo sii yo, yivi minoo sa zavaha maa yo cuu si. Minoo sa saha maa ra Ndyoo sii yo cuu si. Ma cuu zavaha yo sa vaha ta ñihi yo sii si coto caca iñi yo vatyi vaha xaan maa yo. Efesios 2:8-9

Ta ndya zava, iñi ndyaa ra tava xuhun cuenda ra ndyaca ñaha. Ta nu ña nandyehe ndaa ra andivi. Ta cati ra yiqui ndyica ra vatyi ndu-uu iñi ra cuatyi ra. Ta tyehen cahan ra sihin ra Ndyoo: "Zutu mañi yuu, cundahvi iñun sii, vatyi iyo xaan cuatyi." Tacuan i catyi ra. San Lucas 18:13

(Cahan ca ra Jesús, ta catyi ra:) Cuñi xaan ra Ndyoo sii ñiyivi, ta i saha ra sii sa minoo tuhun ñi zehe ra vatyi tandihi ñiyivi, ñu sino iñi sii ra, ma cunaa ñu. Cua cundito ñu tandihi tyiemvu sihin ra. Ñá zaquisi ra Ndyoo sii zehe ra ñuu ñiyivi ya sa cuenda sa cua tasi tuñi ra sii ñiyivi. I zaquisi ra sii ra vatyi cua zandasi ra cuatyi ñiyivi ta cua zacacu ra sii ñu. San Juan 3:16-17

Tandihi cuii cuatyi sa cuñun zavohon ta iyo tucu inga ñiyivi cuñi zavaha cuhva cuan. Zoco cuu cunii iñi yo sii ra Ndyoo vatyi ma cuhva maa ra sa cuñi xaan con zavohon sa ña vaha. Cua zañaha ra minoo ityi suun, ta cua cuu conon sii sa cuñi zativi suun. Ta cua cundyee iñun ta ma zavohon sii si. 1 Corintios 10:13

Sito vehi vatyi ñahñi maa sa cuu tyaa siyo sii yo sihin cuhva cuñi xaan maa ra Ndyoo sii yo. Ta zañaha ra sii yo vatyi cuñi xaan ra sii yo sihin cuhva i sicoo ra Cristo ta cuhva i zavaha ra. Vazu ndito ca yo a vazu sa sihi yo zoco cua cuñi ca ra Ndyoo sii yo. A vazu ángel a tatyi cuihna cuñi tyaa siyo sii yo, zoco ma cuu. A ñaa sa tahan yo vityi a sa cua ndyehe yo ityi nuu ca a sa iyo ityi ziqui a nu ñuhu. A ñaa cuii ca maa sa iyo, zoco ma cuu tyaa siyo si sii yo sihin cuhva cuñi xaan maa ra Ndyoo sii yo sa cuenda ra Cristo Jesús, ra ndyaca ñaha sii yo. Romanos 8:38-39

Ta sa naha cuñi ñu nduvaha ñu ityi nuu ra Ndyoo sihin sa tyaa ñu yahvi tuhun i saha ra sii ra Moisés. Zoco vityi sa i quisi ra Cristo ta zandihi ra cuhva cuan. Vityi sa sino ñi iñi yo sii ra ta nduvaha yo ityi nuu maa ra Ndyoo ta natiin cuenda ra sii yo. Romanos 10:4

Vatyi tyehen catyi ra Ndyoo nuu tutu ra: "Siñi sa cahan ndo quivi i zacaqui sii ñiyivi, ta i tyindyei sii ndo", catyi ra. Ta vityi cuu tyiemvu vaha, tyiemvu zacacu ra Ndyoo sii ñiyivi. 2 Corintios 6:2

Ta sa siñi ñiyivi sa cahan ra Pedro ta i sica xaan iñi ñu, ta i catyi ñu sihin ra Pedro ta sihin tandihi inga ra apóstol: Amigo, ñaa sa cuñi si zavaha ndi? Catyi ñu. Ta i catyi ra Pedro sihin ñu: Tahan tahan ndo ndu-uu iñi ndo cuatyi ndo ta coo ndutya ndo cuenda ra Jesucristo, ta cua zandasi ra Ndyoo cuatyi ndo. Ta cua cuhva ra Ndyoo sa noo Tatyi Ii sii ndo vatyi yucuan cuu sa cua cuhva ra Ndyoo sii ndo. Hechos 2:37-38

Ta cuu ndo ñiyivi saa, vatyi tacuan i zanduvaha ra Ndyoo sii yo sa cuu yo ñiyivi ndoo xaan ta vaha xaan sa ndisa cuii. Efesios 4:24

Romanos

Ta iyo cuatyi sii tandihi cuii ñiyivi. Sica xaan ndyaa tandihi yo nuu ra Ndyoo ta sihin cuhva cuñi ra. Romanos 3:23

Tañi catyi Tuhun ra Ndyoo: Yoñi minoo ñiyivi vaha sa ndisa cuii, numinoo. Romanos 3:10

Tatu zavaha yo sa ña vaha, sa cua ñihi yo sihin cuhva cuan cuu sa cua cuu cuii yo. Zoco tatu tiin cuenda yo sa vaha xaan sa saha maa ra Ndyoo sii yo, cua cundito yo tandihi cuii tyiemvu sihin ra Jesucristo, ra ndyaca ñaha sii yo. Romanos 6:23

Sa cuenda minoo ra ta i quihvi cuatyi ñuu ñiyivi. Ta cuenda cuatyi i zavaha ñiyivi ta i quisaha cuhva sa sihi tandihi ñu vatyi iyo cuatyi sii tandihi yo. Romanos 5:12

Ñá cuu zacacu yo sii yo, zoco sa tahan si quivi sa i catyi ra Ndyoo ta ziqui i quisi ra Cristo. Ta i sihi ra sa cuenda ñyivi ña vaha tañi maa yo. Romanos 5:6

Ta maa ra Ndyoo zañaha ra vatyi cuñi xaan ra sii yo vatyi vazu ñiyivi iyo xaan cuatyi cuu maa yo, zoco i sihi ra Cristo sa cuenda yo. Romanos 5:8

Ta i sihi ra Jesús, ta i zanandoto ra Ndyoo sii ra. Ta cuhva cuan i zavaha ra Ndyoo minoo sa cahnu xaan, ta i zañaha ra vatyi zehe ra cuu sii ra Jesús. Ta ii xaan cuu ra Jesús, ra ndyaca ñaha sii yo, tañi ii maa ra Ndyoo. Romanos 1:4

Vatyi sito yo vatyi i nandoto ra Cristo sisi sa i sihi ra, ta ma cuu ca ra. Ma cundyaca ñaha ca tuhun sihi sii maa ra. Romanos 6:9

Ta tatu catyun sihin ñiyivi vatyi ra Jesús cuu ra ndyaca ñaha suun ta sino ndisa iñun sihin añimon vatyi i zanandoto ra Ndyoo sii ra sisi sa i sihi ra, cua cacun. Romanos 10:9

Tañi catyi Tuhun ra Ndyoo vatyi tandihi ñiyivi sa cua caca sii ra Jesús, ra ndyaca ñaha sii yo, cua cacu ñu. Romanos 10:13

Sito vehi vatyi ñahñi maa sa cuu tyaa siyo sii yo sihin cuhva cuñi xaan maa ra Ndyoo sii yo. Ta zañaha ra sii yo vatyi cuñi xaan ra sii yo sihin cuhva i sicoo ra Cristo ta cuhva i zavaha ra. Vazu ndito ca yo a vazu sa sihi yo zoco cua cuñi ca ra Ndyoo sii yo. A vazu ángel a tatyi cuihna cuñi tyaa siyo sii yo, zoco ma cuu. A ñaa sa tahan yo vityi a sa cua ndyehe yo ityi nuu ca a sa iyo ityi ziqui a nu ñuhu. A ñaa cuii ca maa sa iyo, zoco ma cuu tyaa siyo si sii yo sihin cuhva cuñi xaan maa ra Ndyoo sii yo sa cuenda ra Cristo Jesús, ra ndyaca ñaha sii yo. Romanos 8:38-39

Ndyoo Zutu ndi

Ndyoo Zutu ndi, ra ndyaa andivi, ii xaan cuu zivi moo. Nasaa quivi cua cundyaca ñohon ihya ñuu ñiyivi. Nazavaha ñiyivi cuhva cuñi ihya ñuu ñiyivi tañi cuu si ndya gloria. Cuhvon sa siñi sii ndi minoo minoo quivi. Ta zohon tucahnu iñi sii ndi sa cuenda cuatyi ndi tañi maa ndi zaha ndi tucahnu iñi sii ñiyivi zavaha sa ña vaha sihin ndi. Ma cuhvon sa nducu coto ihñi cuihna sii ndi coto zavaha ndi sa ña vaha. Vatyi moo cuu ra ndyaca ñaha, ta moo cuu ra iyo xaan tundyee iñi sii, ta tahan si zacahnu tandihi ñiyivi suun tandihi cuii tyiemvu. Ta nacuu si sa ndisa. San Mateo 6:9-13