Ja' Ti Ach' Testamentoe

Yu'un co'ol oy jmultic jcotoltic. Mu'yuc much'u oy yutsil yo'nton jech chac c'u che'el yutsil yo'nton ti Diose. Sjun Romanos 3:23

Yu'un ti much'u ch-abtej yu'un ti mulile, pers ch-ac'bat stojol yabtel. Ja' stojol yabtel ti ch'ayel chbate. Ja'uc ti much'u chac' sba ti abatinel yu'un ti Diose, ja' chich' smoton ti sventa ti Cajvaltic Cristo Jesuse. Ja' smoton ti chcuxi sbatel osile. Yutsil yo'nton chac' ti Diose. Sjun Romanos 6:23

Yutsil no'ox yo'nton ti Diose ti laj xa ach'umbeic ti sc'ope, ti colemoxuc xae. Mu yu'unuc jo'ucoxuc ti aventaic ti nacolic xae. Ja' amotonic ti laj xa yac'boxuc ti Diose. Yu'un mu ti sventauc cabteltic ti chijcolucutique yu'un naca me jtoy jbatic yu'un. Sjun Efesios 2:8-9

Ti jtsobpatane nom to va'al yu'un chi' yu'un ti Diose. Mi jutuc mu sq'uel muel yu'un chi' ti Diose. Yu'un laj sna' ti mu xtun ti yo'ntone jech yu'un lic smajilan sti' yo'nton, jech laj sc'opon Dios: "Dios, c'uxubinun yu'un mu xtun ti co'ntone," schi ti stojol ti Diose. Sjun Lucas 18:13

Lum ep laj sc'uxubin scotol cristianoetic ti Jtotic Diose, jech yu'un laj yac' ti milel ti Snich'one. Jun no'ox Snich'on oy. Scotol ti much'utic sch'unojic ti icoltaat xa yu'une, ja' mu sch'ayic. Ja' cuxul sbatel osil. Ti Jtotic Diose laj stac talel li' ti balumil ti Snich'one. Muc un tal yac'be castigo yu'un smul ti cristianoetique. Ja' tal scolta scotol cristianoetic. Sjun Juan 3:16-17

Ti c'u che'el chaspasbot proval avo'ntonic ti pucuje, ja' no'ox jech tspasbeic proval yo'ntonic scotol cristianoetic. Ti Diose jun yo'nton avu'unic. Mu xac' ti jelaven chaspasbot proval avo'ntonic ti pucuje naca me mu xcuch avu'unic. Ti c'alal chaspasbot proval ti avo'ntonique ti pucuje ti Diose chastojobtasot c'u che'el chacol batel, jech chu' avu'unic. 1 Corintios 10:13

Jech yu'un jech jch'unoj ti c'uxucutic o ti yo'nton ti Diose. Manchuc mi chijcham, manchuc mi cuxulucutic to jayib c'ac'al li' ti balumile, c'uxucutic ti yo'nton. Mi ch'ul abat, mi pucuj, mi yan, mu xu' tspajes ti c'uxucutic ti yo'nton ti Diose. Manchuc mi oy c'utic chc'ot ti pasel ti hora to, mi yan to c'ac'al, c'uxucutic ti yo'nton. Buc no'ox oyucutic mu xu' tspajesat ti c'uxucutic ti yo'nton ti Diose. Yu'un c'uxucutic o ti yo'nton ti Diose ti sventa ti Cajvaltic Cristo Jesuse. Sjun Romanos 8:38-39

Yu'un i'ay xa ti Cristoe jech yu'un ilaj sc'opilal ti mantaletique. Yu'un jech xu' ti toj yo'nton ch-ilat yu'un ti Diose scotol ti much'utic tsch'unic ti icham yu'unic ti Cristoe. Sjun Romanos 10:4

Yu'un jech yaloj ti Diose: C'alal tsta yorail cu'un yutsil co'nton chajtsabot ac'op. C'alal tsta yorail acolelic, chajcoltaoxuc, ti schie. Ti hora to ista xa yorail ti yutsil yo'nton chastsacbot ac'ope. Ista xa yorail ti chacolique. 2 Corintios 6:2

C'alal laj ya'ibeic sc'op ti Pedroe, ep laj yichi'ic mul yu'un smulic ti cristianoetique. Jech yu'un laj sjac'beic ti Pedroe schi'uc ti yan jcholc'opetique: --Quits'in, ¿c'usi chcututic? --schiic. Ti Pedroe jech laj yalbe: --Suteso avo'ntonic yu'un amulic. Ac'o abaic ti ich' jo' ti sventa ti Jesucristoe ti jujunoxuque. Jech chasch'aybot amulic. Jech chayac'boxuc amotonic uc ti Diose. Ja' chavich'ic uc ti Ch'ul Espíritue. Sjun Jcholc'opetic 2:37-38

C'anic me ti ach' cuxlejale, ja' ti toj avo'ntonique ti lec avo'ntonique ti mero melel jech chac c'u che'el yo'nton ti Diose. Sjun Efesios 4:24

Sjun Romanos

Yu'un co'ol oy jmultic jcotoltic. Mu'yuc much'u oy yutsil yo'nton jech chac c'u che'el yutsil yo'nton ti Diose. Sjun Romanos 3:23

Yu'un jech ts'ibabil comel ti sc'op ti Diose: Mi junuc mu'yuc much'u toj yo'ntonic. Sjun Romanos 3:10

Yu'un ti much'u ch-abtej yu'un ti mulile, pers ch-ac'bat stojol yabtel. Ja' stojol yabtel ti ch'ayel chbate. Ja'uc ti much'u chac' sba ti abatinel yu'un ti Diose, ja' chich' smoton ti sventa ti Cajvaltic Cristo Jesuse. Ja' smoton ti chcuxi sbatel osile. Yutsil yo'nton chac' ti Diose. Sjun Romanos 6:23

Yu'un laj sta smul ti sba vinique, jech yu'un jumlavilucutic nijc'ot jcotoltic. Ti scoj jmultic chijchamucutic. Yu'un jcotoltic oy jmultic, jech yu'un jcotoltic chijchamucutic. Sjun Romanos 5:12

Yu'un laj sna' ti Diose ti mu xu' cu'untic ti jcolta jbatique. Jech yu'un laj sta yorail ti laj yac' sba ti milel yu'un jmultic ti Cristoe, jcotoltic ti mu'yuc Dios ti co'ntontique. Sjun Romanos 5:6

Pero ti Diose laj yac' ti q'uelel ti c'uxucutic ti yo'nton, jo'ocutic ti chopol co'ntontic ti jyalele, yu'un laj yac' sba ti milel cu'untic ti Cristoe. Sjun Romanos 5:8

Ja' Snich'on ti Diose. Yu'un te oy ti yo'nton ti Chu'ul Espíritue, ja' Snich'on ti Diose. Ja' i'ac'at ti q'uelel ti ja' Snich'on ti Diose c'alal icha'cuxi loq'uel ti ch'en. Sjun Romanos 1:4

Ti jna'tic ti yu'un icha'cusesat loq'uel tal ti ch'en ti Cristoe, jech yu'un mu xa scham yan vuelta. Mu xa ventaimbiluc yu'un ti tschame. Sjun Romanos 6:9

Ti jo'ocutique ti toj co'ntontic chijyilucutic ti Diose ti sventa sch'unojel co'ntontique, mu yu'unuc ta to xba quic'tic tal ti vinajel ti Jcoltavanej cu'untique. Mu yu'unuc ta to xba jsa'tic yo bu ti much'utic mucajtic ti ch'ene. Yu'un i'ay xa li' ti balumile ti Cristoe, icham, icha'cuxi loq'uel ti ch'en, patil isut batel ti vinajel, te xa oy ti hora to. Jech yu'un mu nomuc ti jcoleltique, li' xa oy ti jtojoltiqui. Yu'un mi jamal chcaltic ti ja' Cajvaltic cu'untic ti Jesuse, mi jch'unojtic ti icha'cusesat loq'uel tal ti ch'en yu'un ti Diose, jech chijcolucutic sbatel osil. Jech cac'oj jba ti jcholtutic. Sjun Romanos 10:6-9

Yu'un scotol ti much'u chalbeic vocol ti stojol ti Cajvaltique, ja' chcolic sbatel osil. Sjun Romanos 10:13

Jech yu'un jech jch'unoj ti c'uxucutic o ti yo'nton ti Diose. Manchuc mi chijcham, manchuc mi cuxulucutic to jayib c'ac'al li' ti balumile, c'uxucutic ti yo'nton. Mi ch'ul abat, mi pucuj, mi yan, mu xu' tspajes ti c'uxucutic ti yo'nton ti Diose. Manchuc mi oy c'utic chc'ot ti pasel ti hora to, mi yan to c'ac'al, c'uxucutic ti yo'nton. Buc no'ox oyucutic mu xu' tspajesat ti c'uxucutic ti yo'nton ti Diose. Yu'un c'uxucutic o ti yo'nton ti Diose ti sventa ti Cajvaltic Cristo Jesuse. Sjun Romanos 8:38-39

Jtotic Dios

Jtotic Dios, te oyot ti vinajel. Ac'o xajpasotutic ti muc'. Ac'o sta yorail chapas mantal atuc li' ti balumile. Ac'o c'otuc ti pasel li' ti balumile ti c'usi tsc'an ti avo'ntone jech chac c'u che'el c'otem ti pasel ti vinajel. Ac'bun talel jve'eltutic c'ac'al li'to. Pasbuntutic perdón yu'un jmultutic jech chac c'u che'el jpasojbetutic perdón much'u oy smul cu'untutic. Mu me xibatutic yo bu chisujat ti mulil. Coltauntutic me jech mu xistsaluntutic ti pucuje. Jo'ot aventa chapas mantal sbatel osil. Jo'ot jelaven ap'ijil atuc sbatel osil. Jo'ot chapasat ti muc' sbatel osil. Jun yutsil ti jech chc'ot ti pasel, jech chavutic ti stojol. Sjun Mateo 6:9-13

Sjun Galatas