Ach' Testamento

Yu'un jcotoltic jpasmulilutic. Me junuc mu'yuc bocho'o tuc' yo'nton jech chac c'u cha'al tuc' yo'nton li Diose. Romanos 3:23

Yu'un li boch'otic ja' no'ox tspasilanic c'usitic chopole ta persa chich' stojolic. Ja' stojolic ti ch'ayel chbatique. Yan me tsc'an smotonic ti slequil no'ox yo'nton chac' Diose, ja' smotonic ti chcuxiic sbatel osil ta sventa li Cajvaltic Cristo Jesuse. Romanos 6:23

Slequil no'ox yo'nton ti colemoxuc xa yu'une, yu'un laj ach'unic ti ja' la scoltaoxuque. Mu yu'unic laj acolta aba atuquic. Amotonic no'ox laj yac'boxuc li Diose. Yu'un ma'uc ta sventa c'usi ta jpas jtuctic ti chijcolutique yu'un naca me jtoy jbatic o. Efesios 2:8-9

Pero li jtsobpatane nom no'ox va'al icom yu'un ta xi' yu'un li Diose. Mu sc'an stoy sat ta vinajel noxtoc. Yu'un la sna' ti chopol yo'ntone, ja' no'ox la smajilan sna yo'nton, jech la sc'opan Dios: "Dios, c'uxubinun yu'un jpasmulilun", xut li Diose. Svun Lucas 18:13

Li Jtotic Diose toj c'ux ta yo'nton scotol cristianoetic ta banamil jech la stacun tal, vu'un li Xnich'onune. Pero c'ajumal jtuc. Scotol boch'o ta xch'un ti vu'un ta jcoltae ja' mu ch'ayeluc ta xbat. Ja' ta xcuxiic o sbatel osil. Li Jtotic Diose la stacun tal li' ta banamil pero mu yu'unuc tal cac'be castigo yu'un smulic li cristianoetique. Ja' tal jcolta. Svun Juan 3:16-17

Li antsetique xana'ic ti mu lecuc me mu smac sjolic c'alal tsc'opanic Diose. 1 Corintios 10:13

Jch'unoj o ti mu'yuc c'usi xu' chc'ot ta pasel ta jtojoltic ti jech mu xa xisc'anutic o li Diose. Ac'o me chijcham ac'o me cuxulutic to, sc'anojutic o. Mu'yuc boch'o xu' yu'un tspajes ti jech mu xa xisc'anutique. Manchuc me yaj'almantal Dios, me pucuj, mu xu' yu'un. Aco' me oy c'usi chc'ot ta pasel ta jtojoltic li' ta /orae ora ele/, o me ja' to c'usi ora, sc'anojutic o. Mu'yuc c'usi pasbil yu'un Dios, me ta vinajel, me li' ta banamil, ti xu' tspajes li Diose ti jech mu xa xisc'anutique. Yu'un j'ech'el la sc'anutic o ta sventa li Cajvaltic Cristo Jesuse. Romanos 8:38-39

Yu'un li boch'otic ta xch'unic ti ja' Jcoltavanej yu'unic li Cristoe, mu'yuc smul ch-ilatic yu'un Dios. Jech chvinaj ti mu xijcol yu'un li smantaltac Diose. Romanos 10:4

Yu'un jech ono'ox yaloj li Diose: C'alal me sta yoraile, slequil no'ox co'nton chca'ibot ac'opic. Me la sta yorail chacolique, slequil no'ox co'nton chajcoltaoxuc, xi ono'ox. Li' ta /orae ora ele/ yorail xa ti chaya'iboxuc ac'opique. Yorail xa ti xu' chacolique. 2 Corintios 6:2

C'alal laj ya'yic c'usi laj yal li Pedroe, tsots laj yat yo'onton yu'un smulic. Jech la sjac'beic li Pedroe xchi'uc li xchi'iltac ta jcholc'ope: --Jchi'iltac, viniquetic, ¿c'usi tsc'an ta jpascutic? --xiic. Li Pedroe jech laj yalbe: --Comtsanic scotol li c'usitic chopol chapasique. Ich'ic vo' ta jujunoxuc ta sventa Jesucristo, jech chaspasboxuc perdón yu'un amulic. Jech chavich'ic li amontonique, ja' li Ch'ul Espíritue. Hechos 2:37-38

Xchi'uc ti tsc'an chavaq'uic ta ilel ti avich'ojic xa ach' atelelique, ti co'oloxuc xa jech chac c'u cha'al Dios ti tuc' yo'ntone, ti mu sc'an c'usi chopole. Efesios 4:24

Romanos

Yu'un jcotoltic jpasmulilutic. Me junuc mu'yuc bocho'o tuc' yo'nton jech chac c'u cha'al tuc' yo'nton li Diose. Romanos 3:23

Yu'un jech ono'ox ts'ibabil ta sc'op Dios: Me junuc cristiano mu'yuc boch'o lec. Romanos 3:10

Yu'un li boch'otic ja' no'ox tspasilanic c'usitic chopole ta persa chich' stojolic. Ja' stojolic ti ch'ayel chbatique. Yan me tsc'an smotonic ti slequil no'ox yo'nton chac' Diose, ja' smotonic ti chcuxiic sbatel osil ta sventa li Cajvaltic Cristo Jesuse. Romanos 6:23

Ta sventa la sta smul li ba vinique jech ilic o li mulile, jech jpasmulilutic lijc'ot o jcotoltic. Ta scoj ti jpasmulilutique, jech jcotoltic chijchamutic. Romanos 5:12

Li Diose la sna' ti mu xu' cu'untic ja jcolta jba jtuctique, jech la sta yorail laj yac' sba ta milel ta scoj jmultic li Cristoe, vu'utic ti chopolutic ono'oxe. Romanos 5:6

Yan li Diose laj yac' ta ilel ti toj ep sc'anojutique yu'un laj yac' ta milel ta jcojtic li Cristoe, vu'utic ti chopolutic ono'oxe. Romanos 5:8

Pero ivinaj ti ta melel ja' Xnich'on Diose, ti mu'yuc smule, yu'un icha'cuxi loq'uel ta smuquinal. Romanos 1:4

Yu'un ta jna'tic ti mu xa xcham yan veltae yu'un icha'cuxesat. Jech ilaj o sc'oplal ti ta xchame. Romanos 6:9

Yan vu'ultic ti mu'yuc xa jmultic chijyilutic Dios ta sventa jch'unojtic ti ja' Jcoltavanej cu'untic li Cristoe, mu xa jechuc ta jnoptic: "¿Boch'o xu' chyal tal ta vinajel yu'un chiscoltautic? ¿Boch'o xu' ta xcha'cuxi yu'un chiscoltautic?" mu xa xijchi. Yu'un ay xa chamuc li' ta banamil li Cristoe, pero icha'cuxi. Ja' jech chal li c'op ta jcholcutique jech xu' chach'unic. Yu'un me jamal chcaltic ti ja' xa cac'oj jbatic ta sc'ob li Jesuse, xchi'uc me jch'unojtic ti icha'cuxesat yu'un Diose, jech chijcolutic sbatel osil. Romanos 10:6-9

Yu'un jech ts'ibabil ta sc'op Dios: "Scotol boch'o ta sc'anic coltael ta stojol Cajvaltique ja' chcolic sbatel osil", xi ts'ibabil. Romanos 10:13

Jch'unoj o ti mu'yuc c'usi xu' chc'ot ta pasel ta jtojoltic ti jech mu xa xisc'anutic o li Diose. Ac'o me chijcham ac'o me cuxulutic to, sc'anojutic o. Mu'yuc boch'o xu' yu'un tspajes ti jech mu xa xisc'anutique. Manchuc me yaj'almantal Dios, me pucuj, mu xu' yu'un. Aco' me oy c'usi chc'ot ta pasel ta jtojoltic li' ta /orae ora ele/, o me ja' to c'usi ora, sc'anojutic o. Mu'yuc c'usi pasbil yu'un Dios, me ta vinajel, me li' ta banamil, ti xu' tspajes li Diose ti jech mu xa xisc'anutique. Yu'un j'ech'el la sc'anutic o ta sventa li Cajvaltic Cristo Jesuse. Romanos 8:38-39

Jtotic Dios

Jtotic Dios, tey oyot ta vinajel, ac'o ich'atan ta muc' cu'uncutic. Ac'o sta yorail chtal apas mantal atuc li' ta banamile. Ac'o jpascutic c'usi chac'an jech chac cu' cha'al tspasic tey ta vinajele. Ac'bun tal jve'elcutic li jun c'ac'al li'i. Pasbuncutic perdón yu'un jmulcutic jech chac c'u cha'al jpasojbecutic perdón li boch'otic oy smul cu'uncutique. Mu me xavac' xistsaluncutic li mulile. Coltauncutic ta stsalel. Yu'un vo'ot atuc chapas mantal sbatel osil. Ech'em atsatsal. Vo'ot chaquich'otcutic ta muc' sbatel osil. Jech ac'o c'otuc ta pasel ta jtojolcutic, xachiic ti c'alal chac'opanic Diose. Svun Mateo 6:9-13