Testament Cub Co' Nac Di's Ndac Che'n Tad Jesucrist

Ryete mèn mcua'n xquin mèn no mcua'n nèn xtol mèn loo Diox. Yende chó mèn nzo co' ndli con' ndlya's Diox no con' co' ndxòo lezo' Diox. Romanos 3:23

Tac rye mèn co' thidtene mdoo lezo' tolo cua'n mèn xquin mèn no xtol mèn, loo mèna ncàb thìb con': ryo xà' mèna loo Diox thidtene co'se' yilo gath bél'yòo lad mèna. Per cón che'n con' ndac co' angli Diox loo mèn co' ndxela's loo Tad Jesucrist na' nac yòo ban no mèn Diox thidtene tac thidte nac mèna con Tad Crist Jesús na'. Romanos 6:23

Diox mtelá' gu' loo con' ryes co'se' ngola's gu' loo Crist. Diox mbli angngòc con' ndaca loo gu'. Con'a inacte cón che'npe' gu'. Ndxe'leque', naca con' ndac co' angmbli Diox loo gu'. Ne' ne' ngli gu' ndxep con' ndac par mtelá' Diox gu' loo con' ryes. Tac chele' gu' tataa ngli, nde's gu' no ngxal' gu'. Efesios 2:8-9

Per ndxe'leque', prob mbi' co' ndli cobrar cón che'n contribución, tith mdoo mbi'. Ne'ngòode valor loo mbi' mase ngüi' mbi' loo bé'. Ndxe'leque', mbez mbi': --!Ay, Dio's! No taa nguin mbi' ya' mbi' pech mbi'. No tolo mbez mbi': Gulat lezo' U' gunèe U' daa, Tad. Daa nac thìb mbi' co' ndxàp xtol no co' ndxàp xquin. San Lucas 18:13

Tac Diox axta arid nazin' mèn no nque' lezo' Diox ñèe Diox mèn loo izlyo'. Por cona, mtel' Diox angoluxte xgan' Diox loo izlyo' par gàca le' ryete mèn co' yila's loo xgan' Diox, ne'quiexù'de Diox mèna par co' xà' Diox mèna loo Diox yiloa. Ndxe'leque', yòo ban no mèna Diox thidtene yiloa. Diox ne'ntel'te xgan' Diox loo izlyo' par quexù' xgan' Diox mèn loo izlyo'. Ndxe'leque', mtel' Diox xgan' Diox loo mèn loo izlyo' par lyá' mèn loo con' ryes por cón che'n xgan' Diox. San Juan 3:16-17

Ryethe con' co' ndyactìi gu' co' lya's li le' gu' ryo xà' loo cón che'n Crist lalque' nac xal ndyactìi taamas mèn. Per na nii loo gu': Más huen gàp gu' yalxla's loo Diox. Diox ne'tolode la' par gàc más con' ryes no más con' naxi loo gu' co' nac co' xec gu' láth gàc con'a loo gu'. Ndxe'leque', co'se' gàc chol con' ryes no con' co' li xi lezo' gu', Diox lyath no gu' par riid con'a loo gu'; no par ne'xide lezo' gu' arid; no par xec gu' riid con'a loo gu'. 1 Corintios 10:13

Cona, ngue niin loo gu': nonquen no ngobe'en yende nec thìb con' co' nzo co' gàc li par ne'tolode que' lezo' Diox ñèe Dios na' par ryo xà' na' loo Diox yiloa. Tac thidte ngòc na' con Tad Jesucrist. Que naca gath na', que naca ban na', toloque' que' lezo' Diox ñèe Diox na'. Ne' angl; ne' mèn co' ñibe' loo xtàa mèn loo izlyo' ndxè'; ne' chol xpii co' ndxàp con' roo no con' xèn, xpii co' nac xpii roo no xpii xèn, gác li par ne'tolode que' lezo' Diox ñèe Diox na' par ryo xà' na' loo Diox yiloa. Ne' con' co' ndxàc loo mèn tiemppe' ndxè'; ne' con' gàc loo mèn le'n tiemp co' yi'th nque; yende chó con'a gác li par ne'tolode que' lezo' Diox ñèe Diox na' par ryo xà' na' loo Diox thidtene yiloa. Romanos 8:38-39

Tac co'se' mbi'th Crist, Crist mbli ya inquinte tolo li mèn cas loo ley no tolo tyubdi's mèn loo ley co' mxo'f Moisés loo mèn nación Israel. No mbliguè' Crist le' mèn co' ante yila's loo Crist, Diox mdyal yòo mèna loo cón che'n Diox par gàc mèna mèn nalì no mèn nambìi loo Diox. Romanos 10:4

Tac loo libr co' nac xti's Diox ndub di's co' ndxab Diox loo mèn nación Israel, di's co' mbez: Co'se' ngòc thìb tiemp ndac, mbìnen di's co' ngurez gu' loon. No co'se' ngòc huiz par mblyá' gu' loo con' ryes, daa mblyath no gu'. Ngue niin loo gu', ne, mèn Corint: Hui' gu' nexa. Nalle' nac thìb tiemp co' nac thìb tiemp ndac pat lyàa yéc gu' no lyàa lezo' gu' loo Diox par zye' mod co' ndxàp gu' loo Diox. Le'n huiz ndxè' no le'n tiemp ndxè' nac huiz no tiemp co'se' nzoque' mod lyá' gu' loo con' ryes. 2 Corintios 6:2

Co'se' mbìn mèna tataa ndxab Pedr, mxi yéc mèna no mxi lezo' mèna. Mnibdi's mèna loo Pedr no loo taamas myen' xtàa Pedr co' nziri' loo Pedr: --Gu' co' nac mèn gulàaz nu' no co' nac xtàa nu', gunee gu' loo nu' cón ndxàal li nu' por mbli nu' con' ye'rsin' con Jesús, sya, cara. Sya, mcàb Pedr. Ndxab Pedr loo mèna: --Blàa yéc gu' no blàa lezo' gu' no fse' gu' ryethe mod ye'rsin' co' ndxàp gu' loo Diox. No yiloa, gòc bautizar thib thìb gu' por lèe che'n Jesucrist par tataa mod lu' gu' loo mèn le' Diox mton' xquin gu' no xtol gu'. Le' sya, Diox li par lyàa Xpii Natú' loo gu'. Hechos 2:37-38

Gòc gu' xal mèn cub loo mod co' nzi ban gu' nalle' le' gu' nac mèn cub tac Diox mbli nacque' gu' mèn cub. Por cona, fque tee ban lu' gu' loo mèn le' gu', lìcque', nzi tee ban lìque' no nambìique' nzi tee ban gu' loo Diox. Efesios 4:24

Romanos

Ryete mèn mcua'n xquin mèn no mcua'n nèn xtol mèn loo Diox. Yende chó mèn nzo co' ndli con' ndlya's Diox no con' co' ndxòo lezo' Diox. Romanos 3:23

Cón che'n con' ndxè' nac di's co' ndub loo libr co' nac xti's Diox co' mbez: Nec thìb mèn co' nzi tee ban loo izlyo' ndxè', inzi tee ban lìde mèn loo Diox thidtene. Romanos 3:10

Cona, ngue niin loo gu': Texal mcua'n thidte mbi', co' ngòc ner mbi' loo izlyo', xquin mbi' no xtol mbi', por cón che'n mbi'a mtlo chol mèn, mcua'n chol mèn xquin mèn no xtol mèn. Por cona, nquée yalguth loo mèn por xquin che'n yalxtol co' mcua'n ner mbi'a. No por cona, ncàba yalguth loo ryete mèn tac ryete mèn mcua'n xquin mèn no xtol mèn. Romanos 5:12

Per co'se' be' ngòc na' mèn co' ne'ngácte ngli par ntelá' na' na' loo con' ryes nec thìb mod no nec tedib mod, le'xque' sya, ngòc tiemp par gath Crist. No ale, yi'f yèe Crist nguth Crist por cón che'n mèn ye'rsin'. Romanos 5:6

Per Diox mblu' loo na' xá mod anze'f nque' lezo' Diox ñèe Diox na' por yi'f yèe Crist nguth Crist por cón che'n na' mastale' be' nac na' mèn co' ncua'n xquin na' no be' nac na' mèn co' ncua'n xtol na' tiempa. Romanos 5:8

Yub Diox mblo ro no mblu' too Diox Jesucrist le' Jesucrist nac xgan'pe' Diox no ndxàp Jesucrist rye loothe con' roo con' xèn la's nii Jesucrist no la's ya' Jesucrist. Tataa mbli Diox loo Jesucrist por ngòc Jesucrist thìb mbi' natú'pe' loo Diox thidtene láth mque tee ban Jesucrist loo izlyo'. Por cona, yub Diox mblo ro cón che'n Jesucrist co'se' mblo xban Diox Jesucrist làth mèn nguth. Romanos 1:4

Naneeque' na' no nonque' na' co'se' ngro xban Crist làth mèn nguth, ya ne'berede Crist gath Crist tedib vez. Ya yende chó cón che'n yalguth par quèe yalguth loo Crist tedib vez. Romanos 6:9

Tac chele' thìb thìb gu' ta' cuent no co ro gu' le' Jesús nac Tad loo ryethe con', no chele' gu' yila's dib nzo yèc gu' no dib nzo lezo' gu' le' Diox mblo xban Tad Jesús làth mèn nguth, lyá' gu' loo con' ryes. Romanos 10:9

Por cona, ryete mèn co' cuez lèe Tad Jesús, mèna lyá' loo con' ryes. Romanos 10:13

Diox xud nu'

Diox xud nu', co' nzo loo bè', ndlya's nu' no ña'b nu' loo U' le' mèn ta' cuent no ten' mèn thidte U' nac Diox natú'pe'. Nu' mbez loo U' no ña'b nu' loo U' le' U' ñibe'pe' loo mèn dib athu loo izlyo'. No gàca xal nee lezo' U' loo izlyo' ndxè xalque' ndxàc co' nee lezo' U' loo bé'. Fta' U' lua' nu' no xít nu' co' hua nu' nalze no taamas con' co' naquinque' nu' atate huiz. Fton' U' xquin nu' no xtol nu' xal nteri'th ntecan' nu' xèn xyàn co' ndli hues xtàa nu' loo nu'. Ne'lá'ya'de U' nu' par aseli nu' cua'n nu' xquin nu' no xtol nu' loo U'. Ndxe'leque', blàa U' nu' loo ryethe con' ye'rsin'. Tac U' ñibe' loo ryethe con'. No ndxàp U' ryethe con' roo no ryethe con' xèn la's nii U' no la's ya' U'. No che'npe' U' nac ryethe con' roo no con' xèn le'n lin' co' ntlo, no le'n lín' co' ndexelo, no le'n lín' co' ne'lith node thidtene. Taandxè' gàca. San Mateo 6:9-13

Galatas

Publicado por La Biblioteca Mexicana del Hogar, A.C.