Mexico index

Xela Wezria Cube




lawe' da zaj nun xúgute beniache dula, ne quebe zaj naca chee' xelexu'e lu xabá chee Dios. Romanos 3:23

Benne' dxune' dula dzezi'e lazruj chee' da naca na xela gute, pero da dxúnnaze Dios dxi'u naca na xela nabán da zeajlí canna tu zren nen Xránadxu Jesucristo. Romanos 6:23

Xela wen chee Dios bselé' le'e lawe' da guxeajlí lázrele Cristo. Quebe naca na por ne chee bi da benle le'e, pero naca na tu da ben Dios ca'aze por ne cheele. Quebe nalá nu benne' por ne chee bi da dxúnqueze', chee quebe nu benne' guca'ana szren cuine'. Efesios 2:8-9

Pero benne' wechizruj na' guzue' dxu'a puértaze, ne quebe bexazrne' chisa lawe' xabá, pero béle'e la chu'e, dxené': "Dios, bexache lazre' neda', naca' benne' dula." San Lucas 18:13

Dios nazrí'ile'ene' beniache, na' chee le na' bdee' Zri'ine' tu licha' chee quebe xelebía xi' xúgute benne dxeléajlee'e chee', pero xelape' xela nabán da zeajlí canna. Dios gusele' Zri'ine' lu xezr la xu nigá, quegá chee guzría xi'e beniache, pero chee guselé beniache. San Juan 3:16-17

Da dxelún zreaje le'e naca na tuze ca da dxelún zreaje xúgute beniache, pero waca guxrén lázrele Dios lawe' da quebe gu'e lataj bi gun zreaje le'e da quebe séquele guchaga laule, na' gate gaca tu da dxun zreaje na le'e, Dios gunne' le'e ájala gunle chee lale lu da na', chee séquele guchaga laule na. 1 Corintios 10:13

Chee le na' dxuxrén lazra' quebe bi de da seque' gucuasa na dxi'u lu na' Dios, Bénnea' nazri'ine' dxi'u. Ne xela gute, ne xela nabán, ne ángel ca', ne be' xriwe' dxelená bea, ne xela waca chee be' xriwe' ca', ne da dxaca na'a, ne da za za', ne da zua xabá ne da zua lu xezr la xu, ne xetú da nun Dios, quebe seque' xeca'a na dxi'u lu xela zri'i lazre' chee Dios, da ble'ene dxi'u lu na' Xránadxu Jesucristo. Romanos 8:38-39

Cristo dxune' da dxaca lazre' Dios gun ley, lawe' da dxuca'ana Cristo wen xúgute beniache dxeleajlí lazre' Le'. Romanos 10:4

lawe' da lu dizra' la'azxa dxené': Tu zra dxezaca ba lazra' benda' chiu', Na' lu zra chee xela weselá gúcalena' lue'. Na'a naca na zra dxezaca ba lazre' xenne' cheele ne guselé le'e. 2 Corintios 6:2

Gate benne' ca' belenne' da nigá, na' belexewi'ine lazre', na' buluchebe' Pedro ne benne' gubáz ca' chee Jesús, dxele'e le': --Benne' bíchentu', ¿ájazra dxala' guntu' xca'? Nadxa guná Pedro: --Le xebi'i lazre' lau Dios ne le chua nisa tu tele chee gácale Jesucristo tuze, chee gunite lau Le' cheele le'e ca naca dula da nabágale. Ca' gaca, nadxa Dios sélaqueze' Espíritu La'azxa chee' chee súalene' le'e. Hechos 2:37-38

Dxala' gunle da naca chee benne' cube na' da ben Dios le'e chee gunle da naca na xlátaje ne da li da naca na la'azxa. Efesios 4:24


Romanos

lawe' da zaj nun xúgute beniache dula, ne quebe zaj naca chee' xelexu'e lu xabá chee Dios. Romanos 3:23

Naxuaj lu libro la'azxa da dxená na: Quebe nu chilá' benne' wen, netú gue'; Romanos 3:10

Benne' dxune' dula dzezi'e lazruj chee' da naca na xela gute, pero da dxúnnaze Dios dxi'u naca na xela nabán da zeajlí canna tu zren nen Xránadxu Jesucristo. Romanos 6:23

Ca guca, guxu'u dula lu xezr la xu nigá por ne chee da ben tuze benne', na' bla' xela gute por ne chee dula, ca'an guca gulu'u beniache lu na' xela gute lawe' da zaj nun xúgute' dula. Romanos 5:12

Gate na' quebe guzéquedxu guselá cuínadxu, lu zra ba blé'equeze Dios, gute Cristo waláz chee benne' wen da zrinnaj. Romanos 5:6

Pero Dios dxule'ene' dxi'u ca nazrí'ile'ene' dxi'u lawe' da gute Cristo waláz cheedxu gate ne nácadxu benne' dula. Romanos 5:8

pero lu espíritu chee' da naca na la'azxa, naque' Zri'ine Dios. Dios ble'ene' naca caní gate bsebane' Le' ládujla benne' gate por ne chee xela waca chee'. Romanos 1:4

lawe' da nezdxu quebe gate Cristo da xubla lawe' da ba bebane' ládujla benne' gate, na' québedxa xu'e lu na' xela gute. Romanos 6:9

Che nen dxu'u dxenau' naca Cristo Xranu' ne che lu lazrda'u dxeajlí lazru' Dios bsebane' Le' ládujla benne' gate, nadxa lau'. Romanos 10:9

Naca na ca da dxená na: "Xúgute benne' dxelené' la Xránadxu xelelé'. Romanos 10:13

Chee le na' dxuxrén lazra' quebe bi de da seque' gucuasa na dxi'u lu na' Dios, Bénnea' nazri'ine' dxi'u. Ne xela gute, ne xela nabán, ne ángel ca', ne be' xriwe' dxelená bea, ne xela waca chee be' xriwe' ca', ne da dxaca na'a, ne da za za', ne da zua xabá ne da zua lu xezr la xu, ne xetú da nun Dios, quebe seque' xeca'a na dxi'u lu xela zri'i lazre' chee Dios, da ble'ene dxi'u lu na' Xránadxu Jesucristo. Romanos 8:38-39


Xrantu' Dios

Xrantu' Dios, zu' xabá, Gaca lá'azxaqueze lau'. Gudá na be'u lu xezr la xu nigá. Gaca lu xezr la xu nigá ca dxaca lazru' Lue', cateze dxaca xabá. Benna netu' da gáguntu' na'a. Bnite lau cheentu' ca naca da mal da bentu', ca netu' ba bnite launtu' chee benne' belune' cheentu' da mal. Quebe gu'u lataj nu gun zreaje netu', pero bselá netu' lu na' da xriwe'. Lue' nápaquezu' xela dxená bea, ne xela waca ne da xabá chadía chacanna. Ca'an gaca na. San Mateo 6:9-13


Salmo 23

Xránadxu Dios dxuxue' neda' ca tu benne' dxuxue' becu' zrila' chee'; na' quebe bi dxexázrjeda'. Ca dxelezrua becu' zríla'du ca' ba guláguba' xixre' xá'adau', caní dxune' chia' xezí lazra'. Gune' chia' ca dxaca chee becu' zrila' ca' dxeche'e-ba' dxu'a xegu nisa da de zrize. Dxuxuzua chuchue' neda' lu xichaj lazrdawa'; Dxusi'e neda' lu da xlátaje chee gaca li da guchebe lazre'. Láqueze tea' naga sua' lu da stebe chee xela gute, Quebe bi da mal guchebe na neda', lawe' da zúalenu' Lue' neda', Xran, Na' dxelácale neda' vara ne blazru chiu'. Dxucuezu' da xi'aj gawa' lácala zaj naxechaj benne' contra chia' ca' neda'; Dxugu'u aceite xichja' da dxapa na neda' ba la'ana, ne dxusezráteu' tasa chia'. Da lítegaze da wen ne xela dxexache lazre' chiu' xelzúale na neda' xúgute zra naca bana', Na' lizru', Dios, gaca na lizra' chadía chacanna.


Publicado por la Biblioteca Mexicana del Hogar, 1981



Mexico index